Aðstoð í námi
Senn líður að annarlokum og flestir nemendur í verkefnavinnu og ritgerðarskrifum. Við viljum því minna á þá námsaðstoð og þjónustu sem stendur til boða í Tækniskólanum.
Bókasafn
Bókasafn Tækniskólans veitir nemendum greiðan aðgang að upplýsingum og heimildum vegna náms og kennslu. Þangað geta nemendur m.a. leitað ef þá vantar stað til að læra á, aðgang að Teams eða þurfa að ná í kjörbækurnar sínar.
Heimildarvinna og ritgerðarskrif
Við viljum einnig benda á tenglasafn bókasafnsins þar sem finna má ýmsar upplýsingar sem koma að gagni í verkefnavinnu. Þarna er m.a. að finna tengla á orðabækur, gagnasöfn og aðrar heimildir.
Á síðu bókasafnsins má einnig finna upplýsingar um ritgerðarskrif og heimildaskráningu.
Námsver
Einnig minnum við á námsver skólans sem veita nemendum sem þess þurfa aðstoð í námi. Í námsverum skólans er hægt að fá hjálp við próftöku, stuðning við heimanám sem og almenna aðstoð í grunngreinum. Nemendur geta einnig leitað þangað ef þörf er á aðstoð við verkefna- og ritgerðarsmíð.
Við hvetjum ykkur til þess að nýta þá þjónustu sem er í boði og óskum ykkur góðs gengis á lokasprettinum!