Nýsveinar heiðraðir

Nýsveinahátíð IMFR fór fram í 20. skipti, laugardaginn 7. febrúar síðastliðinn á Natura Hotel, þar sem nýsveinar hlutu viðurkenningu fyrir framúrskarandi árangur á sveinsprófi. Þessi uppskeruhátíð er haldin ár hvert af Iðnaðarmannafélaginu í Reykjavík (IMFR) og sjá meistarafélög viðkomandi iðngreina um að tilnefna einstaklinga sem sýnt hafa framúrskarandi árangur á sveinsprófi.

Nýsveinahátíðin var ein sú fjölmennasta frá upphafi og voru 33 nýsveinar í 21 löggiltri iðngrein heiðraðir fyrir góðan árangur.

Forseti Íslands, frú Halla Tómasdóttir, sem jafnframt er verndari hátíðarinnar, veitti viðurkenningar og flutti ávarp til nýsveina. Þá flutti Inga Sæland mennta- og barnamálaráðherra einnig ræðu ásamt Erling Gunnarssyni, nýsveini frá 2023. Elín Hall lék tónlist fyrir gesti og var athöfnin einstaklega hátíðleg.

Alls hlutu 33 nýsveinar viðurkenn­ingu og af þeim eru 15 nýsveinar útskrifaðir úr Tækni­skól­anum:

• Anna Sigríður Kulp, hársnyrtiiðn
• Birna Sigurjónsdóttir, kjólasaumur
• Daníel Steinar Kjartansson, rafveituvirkjun
• Eiríkur Sigurðsson, prentsmíði
• Helgi Líndal Elíasson, gull- og silfursmíði
• Ívar Kristinsson, rennismíði
• María Lind Baldursdóttir, húsgagnasmíði
• Vigdís Heiðbrá Guðmundsdóttir, kjólasaumur
• Andrea Sól Svavarsdóttir, veggfóðrun og dúklagnir
• Bragi Hreinn Þorsteinsson, pípulagnir
• Fanney Ósk Bjarnadóttir, málaraiðn
• Hans Haraldsson, húsasmíði
• Jón Egill Hafsteinsson, prentsmíði
• Jórunn Margrét Bernódusdóttir, ljósmyndun
• Van Huy Nguyen, húsgagnasmíði

Á vefsíðu Iðnaðarmannafélags Íslands má sjá fleiri myndir frá hátíðinni.

Tækniskólinn óskar verðlaunahöfum innilega til hamingju með frábæran árangur!