Staða vefstjóra Tækniskólans er laus til umsóknar. Við leitum að einstaklingi sem hefur næmt auga fyrir stafrænni notendaupplifun, framsetningu ljósmynda og texta, auk framúrskarandi hæfni í íslensku. Viðkomandi þarf að sýna mikið frumkvæði í starfi og leiða fjölbreytt verkefni innan skólans og sinna stefnumótandi verkefnum á sviði vefþróunar. Vefstjóri heyrir undir samskipti og félagslíf og vinnur náið með stjórnendum Tækniskólans. Gildi Tækniskólans eru alúð, framsækni og fjölbreytileiki.

Um er að ræða tímabunda ráðningu, með möguleika á framtíðarstarfi.

Helstu verkefni og ábyrgð

• Ritstjórn á vefsíðum Tækniskólans í samræmi við vefstefnu
• Textaskrif og yfirlestur s.s. fréttir og lendingarsíður
• SEO greiningar m.t.t. leitarvélabestunar
• Fylgja eftir og móta vefstefnu í samráði við stjórnendur
• Tengiliður við hýsingaraðila

• Þátttaka í öðrum verkefnum samskipta og félagslífs

Menntunar- og hæfnikröfur

• Háskólamenntun sem nýtist í starfi
• Framúrskarandi hæfni í íslensku og ensku
• Reynsla af vefstjórn og SEO greiningum
• Reynsla af WordPress og Webflow mikill kostur
• Skipulagshæfni og lausnamiðuð hugsun
• Framúrskarandi samskiptahæfni
• Metnaður til að fylgjast með og innleiða nýjustu strauma í starfrænu markaðsumhverfi

• Hreint sakavottorð

Umsóknarfrestur er til og með 13. október 2025.

Nánari upplýsingar um starfið veitir Ólafur Sveinn Jóhannesson, deildarstjóri samskipta og félagslífs í síma 665 1155 eða með tölvupósti á netfangið [email protected]