Í 8-liða úrslit í fyrsta sinn

Gettu betur lið Tækniskólans mætti liði Menntaskólans á Akureyri fimmtudaginn 16. janúar kl. 20:30 í beinni útsendingu á Rás 2. Viðureignin var mjög jöfn framan af og var staðan 9-9 eftir hraðaspurningar.

Í bjölluspurningunum sigldi Tækniskólinn svo framúr og endaði keppnin með 19 stigum gegn 15.

Með þessu er Tækniskólinn kominn í 8-liða úrslit keppninnar í fyrsta skiptið.

Næsta umferð fer fram í sjónvarpssal en hverjir andstæðingar Tækniskólans verða skýrist síðar þar sem endurtaka þarf eina keppni í 16-liða úrslitunum.