Vilt þú taka þátt?

Við hvetjum nemendur skólans til þess að kynna sér hönnunarsamkeppni sem Tækniskólinn stendur fyrir. Sigurvegarar keppninnar geta unnið 100.000- kr. fyrir bestu hönnunina.

Keppnin snýst um að hanna nýtt útlit fyrir matsal nemenda á Skólavörðuholti. En á veggjum matsalsins eru hljóðdempandi plötur sem eru nú skreyttar með ljósmyndum. Þátttakendur í keppninni fá það verkefni að koma með tillögur að nýju útliti fyrir þessar plötur.

Hver getur tekið þátt?
Nemendur af öllum brautum skólans hafa rétt á að taka þátt í keppninni. Einnig er leyfilegt að taka þátt sem lið.

Hvað er í verðlaun?
Veitt verða verðlaun fyrir tvö verkefni og munu báðir sigurvegarar hljóta 100.000- kr. að launum fyrir fullunna hugmynd.

• Hanna þarf útlit fyrir 4 plötur
• Öll GILDI skólans verða að koma fram á minnst 3 plötum af 4
• Hver plata er 2.40 m á lengd og 1.20 m á hæð
• Á einni plötu skal útskýra hugmyndina á bak við hönnunina
• Nota má tölvugrafík, ljósmyndir, málningu eða graff
• Drög að hönnun skal skila á rafrænu formi í síðasta lagi 10. desember 2023
• Sigurvegar munu taka þátt í uppsetningu á hönnun ásamt starfsfólki Tækniskólans

Gildi skólans:

• Alúð
• Framsækni
• Fjölbreytileiki

Þau sem vilja taka þátt í keppninni skulu láta vita fyrir 19. nóvember með því að senda póst á [email protected]