Menu

miðannarmat

Miðannarmat – Kennslumat

Á hverri önn fer fram miðannarmat í Tækniskólanum - þá gefa kennarar nemendum vitnisburð um stöðu þeirra í hverjum áfanga fyrir sig.

Kennslumat fer einnig fram á síðari hluta annar en þar svara nemendur spurningum um kennsluna í einstökum áföngum.

Miðannarmat

Á hverri önn fer fram miðann­armat í Tækni­skól­anum. Kenn­arar gefa nem­endum vitn­isburð um stöðu þeirra í hverjum áfanga fyrir sig. Vitn­isburðurinn byggir fyrst og fremst á því náms­mati sem þegar hefur farið fram í viðkom­andi áfanga.

Vitnisburður í miðannarmati er gefinn í bókstöfum:
A = Ágætt. Nemanda gengur ákaflega vel.
B = Í lagi. Nemandi hefur tök á efninu en má ekki slá slöku við.
C= Ábótavant. Nemandi þarf að taka sig á til að ná áfanganum.
X= Ekki forsendur til að gefa vitnisburð.

Mik­il­vægt er að minna á að miðann­ar­matið er hvatning til þeirra nem­enda sem fá C að ganga af kappi í það að læra og leita aðstoðar hjá kennara eða námsráðgjafa til þess að skipu­leggja námið í áfang­anum. Þeir sem fá B eru hvattir til að slá ekki slöku við og helst að bæta árang­urinn enn frekar. Þeir sem fá A eru hvattir til að halda áfram á sömu braut og gefa hvergi eftir.

Nemendur og forráðamenn þeirra geta skoðað niðurstöður miðannarmats í Innu

Ef spurn­ingar vakna vegna miðann­ar­matsins eru forráðamenn hvattir til að hafa sam­band við viðkom­andi kennara eða umsjón­ar­kennara nem­anda. Á meðan miðannarmat er í gangi er ekki hægt að skoða einkunnir í Innu.

Kennslumat fer fram á síðari hluta annar

Nemendur svara spurningum um kennsluna í einstökum áföngum.

Kennslumat birtist undir flipanum „Kannanir“ í kennsluvef Innu

Leiðbeiningar:
Vin­sam­legast fyllið út kennslumat fyrir hvern áfanga fyrir sig.
Spurn­ingarnar eru tíu, ein um námsáætlun, fjórar um áfangann/​hópinn, fjórar um kennara og ein opin spurning.
Ef fleiri en einn kennari er með hóp þá eru kennaraspurningum svarað fyrir hvern kennara.
Efst í spurn­ingalist­anum sést nafn áfangans og kennara.