Í námi í veggfóðrun og dúkalögn öðlast þú skilning, þekkingu og færni til að undirbúa gólf, veggi, loft, töflur, hurðir og fleira fyrir lagningu t.d. dúka, platna eða teppa. Þú aflar þér sértækrar þekkingar í náminu á sviðum greinarinnar ásamt því að öðlast leikni í aðferðum og verklagi.
Verkefnin eru fjölbreytt og kalla á sköpunar- og hugmyndavinnu. Nemendur læra að leggja fjölbreytt efni, ganga frá listum og prófílum og gera við. Handverk og sköpunarlist fá að njóta sín í mörgum verkefnum námsins.
Boðið er upp á nokkra áfanga í dreifnámi.
Veggfóðrunar- og dúklagningaraðili býr yfir hæfni til að vinna sjálfstætt og leiðbeina öðrum, þekkir ábyrgð sína, siðferðilega stöðu og getur lagt mat á eigin vinnu. Dúkari þekkir helstu eiginleika og verkan efna sem notuð eru við veggfóðrun og dúklagnir. Dúkari getur veggfóðrað, lagt vegg- og gólfdúk, vegg- og loftefni og gólfplötur, lagt teppi á gólf og stiga innanhúss, búið til skrautborða eða mynd og fellt í gólfdúk, lagt sérhæfða dúka, striga, plötur og spón inni og úti. Dúkari getur lagt mat á viðhald, gert við skemmdir og endurnýjað gólf-, vegg- og loftaefni. Dúkari getur lagt mat á og unnið gólf og veggi undir yfirborðsefni. Hann getur leiðbeint húseigendum um val á efnum í nýbyggingum og við viðhald. Veggfóðrun er löggilt iðngrein.
Inntökuskilyrði er grunnnám bygginga‐ og mannvirkjagreina. Þegar nemandinn er búin með það nám getur hann sótt um nám í veggfóðrun og dúkalögn. Umsækjendur eldri en 20 ára eða með stúdentspróf geta innritað sig beint á brautina.
Veggfóðrun er löggilt iðngrein. Meðalnámstími er fjögur ár með grunnnámi bygginga‐ og mannvirkjagreina. Þrjár annir í skóla og vinnustaðanám samkvæmt hæfnikröfum ferilbókar að hámarki 120 vikur.
Námsframvinda vinnustaðarnáms miðast við að nemandinn sé búinn að uppfylla að lágmarki 80% af hæfniviðmiðum í ferilbók faggreinar til að innritast í lokaáfanga brautar.
Prófskírteini af fagbraut, ásamt því að starfsþjálfun sé lokið, veitir rétt til að sækja um sveinspróf í viðkomandi grein. Sveinspróf veitir rétt til að hefja nám í Meistaraskóla.
Einnig er hægt að ljúka viðbótarnámi til undirbúnings námi á háskólastigi en slíku námi lýkur með stúdentsprófi.
Sjá upplýsingar um skólagjöld í gjaldskrá Tækniskólans.
Menntasjóður námsmanna veitir allar upplýsingar um lánshæfi náms á menntasjodur.is
Nei, efnisgjöld eru innifalin í skólagjöldum.
Sjá upplýsingar í skóladagatali Tækniskólans.
Kennslan í veggfóðrun og dúklögn fer fram á Skólavörðuholti.
Nánari upplýsingar um staðsetningu og húsnæði Tækniskólans.
Nemendur sem hefja nám í bygginga- og mannvirkjagreinum verða að koma með eigin öryggisskófatnað, hlífðargleraugu og heyrnahlífar sem hann skal ávallt nota í verklegri aðstöðu Byggingatækniskólans.
Já, hér má sjá nánari reglur um skólasókn í Tækniskólanum.
Nemandi sem er í starfsnámi á framhaldsskólastigi á kost á viðbótarnámi til undirbúnings námi á háskólastigi. Slíku námi lýkur með stúdentsprófi.
Nánari upplýsingar um félagslíf og nemendafélög Tækniskólans.
Sækja um hnappur er hér á síðunni.
Notifications