Valvikan

Staðfesting á skólavist á næstu önn
Nemendur í dagskóla verða að mæta í viðtalstíma umsjónarkennara síns í Teams, yfirfara með honum áfangaval sitt fyrir næstu önn og staðfesta valið. Viðtalstími umsjónarkennara er í stundatöflu nemenda. Nem­endur geta breytt vali sínu í Innu og eru hvattir til að yfir­fara val sitt áður en þeir mæta til umsjón­ar­kennara. Bæði nemendur og umsjónakennarar staðfesta valið í Innu. Sjá leiðbeiningar fyrir nemendur.

Brautaskipti
Umsókn um brautaskipti fer einnig fram í Innu. Nemendur sem sækja um brautaskipti þurfa ekki að velja áfanga en þau þurfa að staðfesta valið og greiða staðfestingargjaldið. Sjá leiðbeiningar um brautaskipti

Hvernig á að undirbúa valið?
Mikilvægt er að nemendur í dagnámi velji rétta áfanga miðað við námsskipan viðkomandi brauta. Nemendur geta undirbúið valið með því að yfirfara námsferil sinn í Innu samkvæmt námsskipulagi brautar. Einnig er mik­il­vægt er að athuga að valið leiði til hnökra­lausrar náms­fram­vindu nem­andans og að fjöldi val­inna ein­inga í aðalvali sé réttur.

Að yfirfara val þýðir:

• að áfangavalið standist undanfarareglur
• að nemandinn sé að velja þá áfanga sem þarf til að námsframvinda hans verði hnökralaus
• að fjöldi valinna eininga í aðalvali sé réttur:
  • allt að 26 kennslustundir eða 33 einingar á önn
• undantekningar má gera á útskriftarönn og þar sem skipulag brautar krefst þess
• ekki færri en 15 einingar
• að einn til þrír áfangar séu í varavali.

Staðfestingargjald
Mikilvægt að greiða staðfestingargjald skólagjalda í heimabanka sem er kr. 5000 en þá þurfa nemendur ekki að sækja aftur formlega um skólavist. Eftir eindaga er krafan felld niður, hafi hún ekki verið greidd er litið svo á að nemandi ætli ekki að þiggja skólavist. Staðfestingargjaldið birtist í heimabanka hjá þeim aðstandanda sem er skráður númer eitt í Innu ef nemandi er yngri en 18 ára, annars í heimabanka nemenda. Staðfestingargjaldið er ekki endurgreitt.

Gagnlegir tenglar

Námsskipulag allra brauta

Myndræn útskýring á áfangaheitum

Leiðbeiningar vegna vals

Leiðbeiningar vegna brautaskipta

Upplýsingar um val fyrir nemendur á undirbúningsbrautum

 

Aðstoð í námi

Nemendur eru hvattir til að nýta þá aðstoð sem er í boði s.s. aukatíma í stærðfræði og vinnustofur í faggreinum.  Kynnið ykkur það endilega vel hér og á vefsíðu skólans.

Stærðfræði og tölvugreinar
Vinnustofur – Aukatímar og jafningjaaðstoð í tölvugreinum og stærðfræði, sjá hér

Rafiðngreinar – opnar vinnustofur
Opnar vinnustofur í rafiðgreinum á Skólavörðuholti og Flatahrauni, sjá hér

Námsver
Hlutverk námsvers Tækniskólans er að þjónusta þá nemendur sem eiga við námserfiðleika af einhverju tagi. Nemendur geta pantað tíma í námsveri og fengið aðstoð frá kennurum námsvers, einnig yfir Teams. Hægt að leita til námsvera við verkefna- og ritgerðarsmíð. Góð ráð eru að finna á vefsíðunni námstækni í fjarnámi og leiðbeiningar við að tengjast fjarfundarkerfinu Teams eru á vef skólans.

Sérúrræði – lengri tími
Nemendur sem hafa leserfiðleika eða aðra námserfiðleika fá viðbótar 30 mínútur við lausn matsþátta. Sótt er um sérúrræði í Innu, sjá leiðbeiningar.

Náms- og starfsráðgjafar
Við hvetjum nemendur sem þurfa aðstoð að ræða við náms-og starfsráðgjafa en þeir eru til viðtals fyrir nemendur um allt sem lýtur að námi þeirra.  Nemendur geta rætt persónuleg vandamál sín við námsráðgjafa í þeirri fullvissu að þeir eru bundnir þagnarskyldu. Innan skólans eru námsráðgjafar málsvarar nemendanna. Upplýsingar um viðtalstíma og staðsetningu námsráðgjafa er að finna á vef skólans.

Sálfræðingur
Tækniskólinn býður nemendum gjaldfrjálsa sálfræðiþjónustu sem er opin öllum. Markmið með sálfræðiþjónustu skólans er að veita nemendum ráðgjöf og fræðslu um námstækni, kvíða, þunglyndi, ADHD, bætta mætingu o.fl. Hægt að panta viðtal hjá Benedikt Braga sálfræðing í gegnum Innu. Þegar pantað er viðtal í Innu þarf að skrá við athugsemd um hvort þið viljið mæta á skrifstofuna til hans, fá símtal eða myndsímtal í gegnum Köruconnect fjarfundarbúnað. Benedikt er staðsettur á skrifstofu 218 á Skólavörðuholti og hann er einnig með viðtalstíma í Hafnarfirði og Háteigsvegi, sjá nánar hér.

 

Veikindi á námsmatstíma

Ef nemandi er ófær vegna vottaðra veikinda að leysa lykilmatsþátt þegar hann skal unninn þá gefst nemendum kostur á að endurtaka matsþáttinn í samráði við kennara. Ekki er þörf á að hringja í skólann ef nemandi getur ekki mætt í kennslustund eða námsmat vegna veikinda. Sjá nánar um veikindaskráningu nemenda í Innu.

Covid – Upplýsingar
Upplýsingar, fréttir og tilkynningar frá skólanum vegna COVID-19 eru á vefsíðu skólans.

 

Við annarlok

Lokaeinkunnir, námsmat og endurgjöf
Lokaeinkunnir verða birtar í Innu þann 19. maí. Nemendur eru hvattir til að skoða námsmat og fara yfir einkunnir. Einnig er þetta tækifæri til að endurskoða val næstu annar með umsjónarkennara.

Brautskráning Tækniskólans
Brautskráning skólans verður þann 26. maí. Nemendur eru minntir á að huga að útskriftarhúfum í tíma, sjá nánar á vefsíðu skólans.

Skóladagatal – viðburðir
Mikilvægar dagsetningar eru í skóladagatali nemenda, í Innu og í viðburðardagatali á vef skólans.

 

Athugið að valvikan og staðfestingargjaldið á ekki við um nemendur sem eru á brautum í flugvirkjun, vefskóla, meistaraskóla, margmiðlun, hljóðtækni, kvikmyndatækni eða í almennu dreifnámi.

 

Uppfært 11. mars. 2021