fbpx
Menu

Nemendur

Drauma starfsnámið í skosku hálöndunum

Telma Dögg Björnsdóttir, nem­andi í Hand­verks­skól­anum, var stödd í skosku hálöndunum þar sem hún var í starfs­námi hjá Campbells’s of Beauly.

Erasmus+ veitir nemendum í starfsmenntaskólum og nemum á samningi tækifæri til að fara í náms- og þjálfunarferðir og starfsnám hjá fyrirtækjum, skólum, og stofnunum í Evrópu í 2 vikur til 12 mánuði.

 

Reynsla og einstakt tækifæri

„Ég ákvað að fara út fyrir þægindarammann og láta ekki staðsetningu starfsnámsins stjórna vali mínu, heldur var mitt markmið að fá sem mest út úr þessum tíma og það varð til þess að ég sótti um starfsnám hjá Campbells’s of Beauly.

Campbell’s of Beauly er fjölskyldufyrirtæki sem var stofnað árið 1858 og sérhæfir sig í breskum sveita og skotveiðifatnaði. Campbell’s sérsaumar fatnað fyrir um 130 Estates (veiðisetur) og hinn almenna viðskiptavin. Við vinnum mest með tweed ull sem veiðisetrin láta vefa sérstaklega með það í huga að blandast í nærliggjandi umhverfi og einnig vinnum við með tartan þá oft sérstök fjölskyldu tartan.

Lífið hérna í hálöndunum er mjög rólegt og eru lopapeysan og gönguskórnir mínar mest notuðu flíkur. Beauly er 1300 manna bær umkringdur sveitabæjum og fallegum skógum.

Ég er mjög heppin með vinnustað og eru því allir dagar skemmtilegir. Mér sem nema er treyst fyrir að sérsauma á viðskiptavini og ég fæ líka að vera með í mátunum og mælingum. Starfsnámið hefur nú þegar veitt mér mikla reynsla og einstök tækifæri eins og að hitta Karl Bretaprins þegar að hann kom og opnaði nýja klæðskera verkstæðið okkar.“

Tækniskólinn sækir árlega um Erasmus+ styrki til Rannís,  Landsskrifstofu Erasmus á Íslandi

Erasmus+ veitir nemendum í starfsmenntaskólum og nemum á samningi tækifæri til að fara í náms- og þjálfunarferðir og starfsnám hjá fyrirtækjum, skólum, og stofnunum í Evrópu í 2 vikur til 12 mánuði.  Námið / þjálfunin skal vera hluti af námi viðkomandi nemanda og metið sem slíkt að dvöl lokinni.

Tækniskólinn er með er með VET Mobility Charter vottun á náms- og þjálfunarverkefnum

Þeir aðilar sem hafa fengið vottun fá vilyrði fyrir náms- og þjálfunarstyrki fyrir nemendur sína, nýútskrifaða nemendur og starfsfólk sem starfar á sviði starfsmenntunar- og þjálfunar.

Verkefni frá nemendum

Útskriftarsýning í stafrænni hönnun

Útskriftarsýning í stafrænni hönnun

Útskriftarvefur nemenda í grafískri miðlun

Útskriftarvefur nemenda í grafískri miðlun

Tækniteiknun og Danmörk

Tækniteiknun og Danmörk