Kæru nem­endur

Senn líður að annarlokum og við viljum benda nem­endum á nokkur mik­ilvæg atriði sem gott er að hafa í huga áður en önn­inni lýkur.

Annarlok og námsmatsdagur

Síðasti starfs­dagur sam­kvæmt námsáætlun og stunda­skrám er birtur í skóladagatali. Kennslulok áfanga geta verið breytileg eftir því hvernig áfangar eru skipulagðir en nánari upp­lýs­ingar má finna á Innu.

Mánudagurinn 19. maí er náms­mats­dagur, þá er mismunandi eftir áföngum hvort nem­endur eiga að vinna í verk­efnum, þurfa að mæta í próf eða skila lokaverk­efn­unum. Nem­endur fá upp­lýs­ingar um það hjá sínum kennara og hafa sam­band við hann ef einhverjar spurn­ingar vakna.

Lokaeinkunnir og viðtalstímar

Lokaeinkunnir verða birtar í Innu miðvikudaginn 21. maí. Þennan sama dag verða kennarar til viðtals í sínum deildum frá kl. 10:00–12:00. Nemendur eru hvattir til að skoða námsmat, fara yfir einkunnir og nýta sér viðtalstímana ef þeir hafa spurningar eða óska eftir endurgjöf.

Útskrift Tækniskólans

Útskrift Tækniskólans fer fram í Hörpu, í salnum Silfurbergi (2. hæð), laugardaginn 24. maí.

• Fyrri athöfn hefst kl. 12:00
• Síðari athöfn hefst kl. 16:00

HÉR má sjá upp­töku af upp­lýs­inga­fundi sem haldin var fyrir útskrift­ar­nem­endur þann 13. maí.