Kæru nem­endur

Senn líður að annarlokum og viljum við benda nem­endum á nokkur mik­ilvæg atriði sem gott er að hafa í huga áður en önn­inni lýkur.

Annarlok

Síðasti starfs­dagur sam­kvæmt námsáætlun og stunda­skrám er birtur í skóladagatali en kennslulok geta verið mis­mun­andi eftir áfanga. Nánari upp­lýs­ingar um skipulag hvers áfanga má finna á Innu.

Dagana 12. og 13. desember eru náms­mats­dagar og fer það eftir skipu­lagi áfanga hvort nem­endur þurfa að mæta í próf, vinna í verk­efnum eða skila síðustu verk­efn­unum en hver nem­andi fær upp­lýs­ingar um það hjá sínum kennara.

Próf og verkefni

Kenn­arar setja próf og verk­efni í Innu þannig að nem­endur sjá nákvæm­lega hvenær á að skila öllum verk­efnum og taka öll próf. Nem­endur eru hvattir til að yfir­fara þetta vand­lega í öllum áföngum og vera í sam­bandi við kennara ef þeir hafa spurn­ingar eða athuga­semdir.

Lokaeinkunnir, námsmat og endurgjöf

Loka­ein­kunnir verða birtar í Innu mánudaginn 16. des­ember og eru nem­endur hvattir til að skoða námsmat og fara yfir ein­kunnir. Þennan sama dag verða kennarar til viðtals í sínum deildum kl. 10:00–12:00.

Útskrift Tækniskólans

Útskrift Tækniskólans verður í Eld­borg­arsal Hörpu miðvikudaginn 18. desember kl. 13:00.