Innsýn í námið
Skapandi hönnun og tækni
Nám í grafískri miðlun er fjölbreytt og gagnlegt nám. Með tilkomu nýrrar námskrár og sameiningu iðngreinanna prentsmíð, prentunar og bókbands undir einu heiti, prentsmíð, opnast möguleikar fyrir nemendur að taka vinnustaðanám á brautinni og rétt til sveinsprófstöku í prentsmíð sem er löggild iðngrein.
Grafísk miðlun er einnig leið til stúdentsprófs og frekari undirbúnings fyrir áframhaldandi nám. Í dag gerir atvinnulífið þá kröfu að nemendur fái góða yfirsýn í náminu og geti tekið að sér fjölbreytt störf á sviði upplýsingagreina í framtíðinni.
Í verkefnum námsins er m.a. unnið með hreyfimyndagerð, vefvinnslu, grafíska vinnslu, myndvinnslu, umbrot, tæknilegan frágang, prentun og bókband.
Dæmi um verkefni í náminu:
Auglýsingar fyrir samfélagsmiðla
- Auglýsingar fyrir aðra miðla
- Umbúðir
- Merkingar
- Bækur
- Tímarit
- Bæklingar
Nemendur læra að vinna alla verkþætti, þar á meðal lokafrágang, prentun og bókband.
Brautarlýsing
GFM25 Grafísk miðlun – Prentsmíð (PSM25)
Nám í grafískri miðlun er 150 einingar í skóla sem eru 5 annir í fullu námi. Eftir það gefst nemendum kostur á að fara í starfsþjálfun á vinnustað sem gefur kost á að þreyta
sveinspróf eða taka 50 einingar til viðbótar og útskrifast með stúdentspróf. Námið skiptist milli almennra greina og faggreina og eru námslok á 3. hæfniþrepi.
Markmið námsins er að nemendur öðlist þá þekkingu og færni sem er nauðsynleg í því fjölbreytta tækni og sköpunar umhverfi sem er í greininni í dag. Í náminu læra nemendur að vinna grafíska vinnslu fyrir hina ýmsu miðla og fá þjálfun í hugmyndavinnu og nauðsynlegri tækni til að útfæra hugmyndir og fullvinna verk.
Almennar upplýsingar
Inntökuskilyrði
Nemendur þurfa að hafa lokið skyldunámi í samræmi við ákvæði aðalnámskrár grunnskóla með lágmarkseinkunn C í íslensku, ensku og stærðfræði.
Starfsþjálfun – ferilbók í prentsmíð
Starfsþjálfun hjá fyrirtæki/iðnmeistara er samkvæmt hæfnikröfum ferilbókar að hámarki 32 vikur. Gera þarf ráð fyrir þeim tíma í skipulaginu. Starfsþjálfun er hluti af námsbrautinni og er metin til eininga. Nemendur sem skrá sig í starfsþjálfun (á námssamning) eru einnig skráðir í skólann á meðan þeir vinna að hæfnikröfum ferilbókar á starfsþjálfunartímabilinu. Starfsþjálfun þarf einnig að ljúka eins og öðrum áföngum brautarinnar til að útskrifast. Útskrift af námsbrautinni veitir rétt til að þreyta sveinspróf í framhaldinu.
Námsframvinda vinnustaðarnáms
Nemendur skipuleggja starfsþjálfun í samráði við meistarann/fyrirtækið og með hliðsjón af námsskipulagi brautarinnar.
Að loknu námi
Prófskírteini af fagbraut ásamt því að starfsþjálfun sé lokið, veitir rétt til að sækja um sveinspróf í viðkomandi grein. Sveinspróf veitir rétt til að hefja nám í Meistaraskóla.
Einnig er hægt að ljúka viðbótarnámi til undirbúnings námi á háskólastigi en slíku námi lýkur með stúdentsprófi.
Starfsvettvangur prentsmiða er til dæmis hjá prentfyrirtækjum, auglýsingastofum, blaðaútgáfum, innan markaðsdeilda fyrirtækja og sem sjálfstæður atvinnurekandi.
Verkefni nemenda
Tímaritið Askur
Tímaritið Askur
T-ið í TÆKNÓ
Glænýtt skólablað
Grafísk miðlun
Útskriftarsýning og Askur
Útskriftarvefur nemenda í grafískri miðlun
Útskriftarvefur nemenda í grafískri miðlun
Umsagnir
Axel Fannar Friðriksson útskrifaðist haustið 2014 og vinnur á auglýsingastofu í London
„Eftir þetta nám við Upplýsingatækniskólann, margfaldaðist reynslan mín og vitneskja þannig ég leyfði mér að trúa að ég gæti unnið við það sem mér finnst skemmtilegt. Yndislegir kennarar, skemmtilegur nemendahópur og fjölbreytt verkefni gerðu mig mjög tilbúinn að takast á við áskoranir og verkefni í faginu. Eins græddi ég fullt af tengingum og sambönd sem ég held upp á enn í dag.“
Haraldur Örn Arnarson útskrifaðist 2016 og tók starfsþjálfun hjá Prentsmiðjunni Odda
„Námið í grafískri miðlun hefur veitt mér mikla þekkingu og færni í helstu vinnsluforritum tengd prentverki. Má þar nefna Photoshop, Illustrator og InDesign. Einnig hefur námið gagnast mér mjög vel í vinnunni við ýmsar hliðar prentverks, sem ég hef mikinn áhuga á.“
Embla Rún Gunnarsdóttir kláraði námið árið 2017
„Ég lærði ótrúlega margt gagnlegt í grafískri miðlun en það besta sem námið gaf mér var tækifæri til að þroskast sem hönnuður. Ásamt því að vera í námi vinn ég sem skjáhönnuður hjá sprotafyrirtækinu Taktikal. Við sérhæfum okkur í að hjálpa fyrirtækjum að komast inn í stafræna framtíð.“
- Allt frá hönnun á prentmiðlum í gerð myndbanda
- Vinnur í Prentmet við stafræna prentun
- Fór í Vefskólann eftir grafíska miðlun
FAQ
Spurt og svarað
Er öruggt að ég komist í starfsþjálfun / á samning til að klára námið?
Sjá nánar um ferilbók og vinnustaðanám
Hvað kostar námið?
Sjá upplýsingar um skólagjöld í gjaldskrá Tækniskólans.
Er námið lánshæft?
Menntasjóður námsmanna veitir allar upplýsingar um lánshæfi náms á menntasjodur.is
Eru efnisgjöld?
Nei, efnisgjöld eru innifalin í skólagjöldum.
Hvenær hefst kennsla?
Sjá upplýsingar í skóladagatali hér á vefnum.
Hvar fer kennslan fram?
Kennsla í grafískri miðlun fer fram í Sjómannaskólahúsinu Háteigsvegi. En einnig fara nemendur á sérsviðinu út í fyrirtæki.
Er mætingarskylda?
Já, nánari reglur um skólasókn er að finna hér á vefnum.
Er nemendafélag?
Upplýsingar um félagslíf og nemendafélag eru á síðu um félagslíf.