fbpx
Menu

Námsbraut

Stafræn hönnun

(Gamli Margmiðlunarskólinn)

Hefur þú áhuga á þrívíddarvinnslu, tæknibrellum, tölvuleikjagerð og teiknimyndagerð.
Þetta er allt hluti námsins í stafrænni hönnun.

Kennsluform: Dagskóli
Lengd náms: 4 annir

Innsýn í námið

Framsækið tækninám

Skapandi nám í leikjahönnun, þrívídd og eftirvinnslu kvikmynda

Stafræn hönnun (RADE – Reykjavik Akademi of Digital Entertainment) er námsbraut sem er vel tækjum búin, með green screen stúdíó, hljóðstúdíó, MotionCatpure og góðan búnað fyrir myndatökur.

Námið er verkefnadrifið og líkist starfsumhverfi atvinnulífsins. Hröð þróun er í starfsgreininni og krefst símenntunar en nemendur eru þjálfaðir í því að temja sér þann hugsunarhátt.

Almennar upplýsingar

Inntökuskilyrði

Inntökuskilyrði er útskrift úr framhaldsskóla eða sambærilegt. Góða kunnáttu í tölvum og ensku. Hafir þú ekki viðeigandi menntun en getur sýnt fram á framúrskarandi hæfni á tilteknu sviði er hægt að meta það sérstaklega.

Skólinn getur þó óskað eftir því að viðkomandi bæti við sig undirbúningsgreinum.

Umsækjendur þurfa að skila inn ferilmöppu (e. portfolio) og staðfestum gögnum um námsárangur frá öðrum skólum. Inntökunefnd fer yfir umsóknir og getur kallað umsækjendur til viðtals. Farið er með öll gögn sem trúnaðarmál.

Námið og möguleikar að því loknu

Á fyrstu og annarri önn færð þú grunn í helstu forritum og kenningum greinarinnar. Á þriðju önn velur þú þér svið til að sérhæfingar og fjórða önnin er hugsuð sem eitt stórt verkefni sem unnið er sjálfstætt með stuðningi kennara og aðila úr atvinnulífinu.

Skólinn leggur áherslu á að útskrifa nemendur með frjóa hugsun og vilja til að fara nýjar leiðir.
Nám í stafrænni hönnun tekur tvö ár og útskrifast nemendur með diplóma. Möguleiki er á að taka viðbótarár við erlenda háskóla til BA gráðu.

Brautarlýsing

Verkefni nemenda

Útskriftarsýning í Bíó Paradís

Útskriftarnemar sem fara ótroðnar slóðir

Árviss hefð hefur skapast fyrir því að útskriftarnemendur í stafrænni miðlun sýni afrakstur vinnunar í náminu á sýningu sem fyllir stóran bíósal af fólki.

Hópverkefni – þrívíddarmódeling, animation, texture og eftirvinnsla

Krúttlegur trailer um fisk

Við erum 6 stelpur sem urðum góðar vinkonur í Margmiðlunarskólanum og unnum saman að lokaverkefni á 2.önn skólans. Við erum allar með mismundandi áhugasvið t.d. þrívíddar módeling, hreyfimyndagerð og eftirvinnsla við kvikmyndir.

Ólafur Lárus Egilsson

Gandhi í þrívídd

„Ég er fyrrverandi kokkur og núverandi nemandi í Margmiðlunarskólanum. Ég hef mikinn áhuga á list í allri sinni dýrð: myndlist, teikningar, tónlist, tölvuleikir..
Langar að nýta þessi áhugarmál til að búa til tölvuleiki í framtíðinni og/eða bíómyndir.“

Skipulag náms

Samstarfsfyrirtækin

Námsbrautin vinnur náið með stórum fyrirtækjum við að þróa námið og einnig koma gestafyrirlesarar frá fyrirtækjunum. Sem dæmi um fyrirtæki sem skólinn starfar með má nefna CCP, Caoz, RVX, ReykjavíkIO o.fl.

Stafræn hönnun er kennd í Sjómannaskólahúsinu, húsi Tækniskólans á Háteigsvegi.

Skólastjóri Tækniakademíunnar er:

Ragnhildur Guðjónsdóttir, netfang: [email protected], sími: 514 9601.

Áfangi sem sjálfstæð heild

Hver námsáfangi er sjálfstæð heild en skipuleggja má námið í heildstæðum viðfangsefnum þvert á áfanga eða skipta efni tiltekinna áfanga í smærri námsþætti allt eftir þörfum nemendahópsins. Þess skal þó ávallt gætt að lokamarkmiðum námsins og markmiðum einstakra áfanga sé haldið til skila og að heiti og númer áfanga séu rétt tilgreind á prófskírteinum nemenda.

Umsagnir

Skoða skólalífið

Einar Orri Guðjónsson útskrifaðist úr stafrænni hönnun sumarið 2018

Þetta er frábært nám sem gefur innsýn í hvernig það er að starfa við stafræna hönnun. Námið er skemmtilegt fyrir alla sem hafa áhuga á tölvuleikjagerð, tæknibrellum í kvikmyndum, þrívíddarvinnslu og teiknimyndagerð. Reynsla mín af náminu er mjög jákvæð og ég get heilshugar mælt með náminu.

Ólafur Lárus Egilsson er á 1.önn í stafrænni hönnun.

Hefur aldrei liðið jafn vel í námi og get ekki hætt að læra heima, (vandamál sem ég hef ekki kannast við áður) finnst allt svo skemmtilegt þótt sumt geti verið flókið og nóg að gera. Strax á fyrstu önn hefur námið komið mér af stað í að geta búið til einfalda tölvuleiki og flottar tæknibrellur. Kennararnir mjög skemmtilegir og góðir í því sem þeir gera.

Skólinn er í miklum samskiptum við atvinnulífið.

"Nemendur skiptast í tvennt, annars vegar þá sem hafa áhuga á töluleikjum eða annarri afþreyingu í tölvum og síðan er kvikmyndahópurinn sem er í brellunum." segir Halldór Bragason fagstjóri í Margmiðlunarskólanum.

FAQ

Spurt og svarað

Hvernig sæki ég um nám í stafrænni hönnun?

Sækja um hnappur er hér á síðunni en umsóknir fara í gegnum Innu.

Er námið lánshæft hjá LÍN?

Á síðu LÍN – Lánasjóðs íslenskra námsmanna – sjá lista neðst á síðunni – eru upplýsingar um lánshæft nám að uppfylltum kröfum lánasjóðsins.

Hvað tekur nám í stafrænni hönnun langan tíma?

Námið tekur tvö ár, fjórar annir, og er gert ráð fyrir að nemendur stundi það sem hverja aðra vinnu og gilda almennar reglur Tækniskólans um mætingu.

Hvað kostar námið?

Sjá upplýsingar um skólagjöld í gjaldskrá Tækniskólans.

Spurningar

Hafðu samband og við svörum þér um hæl!

  • This field is for validation purposes and should be left unchanged.
Var efnið á síðunni hjálplegt?
Frábært það eru góðar fréttir!