Um Tækniskólann
Námið býr nemendur undir störf í atvinnulífinu.
Margir nemendur okkar ljúka stúdentsprófi samhliða réttindaprófi tækni- og starfsnáms með viðbótaráföngum.
Af hverju að taka bara stúdentspróf þegar hægt er að taka starfsréttindapróf samhliða?
Útskrifaðir nemendur frá Tækniskólanum eiga fjölmarga atvinnumöguleika og margar leiðir eru opnar til frekara náms í sérskólum og háskólum.
Gildi
Tækniskólinn hefur sett sér gildi sem höfð eru að leiðarljósi í öllu starfi og rekstri skólans. Mikilvægt er að starf innan skólans sé á grundvelli þessara gilda og að sífellt sé leitast við að mæta þeim kröfum sem samtíminn gerir til skólastarfs. Samhliða er horft til framtíðar og rýnt í þróun kennslu og starfshátta.
Gildi Tækniskólans eru eftirfarandi:
Menntun
Virðing
Fagmennska
Framsækni
Gæðamál
Í Tækniskólanum er virk gæðastjórnun sem tekur til allrar starfsemi skólans, tryggir þekkingu starfsmanna á innri ferlum skólans, stuðlar að sífelldum umbótum á allri starfsemi skólans og að unnið sé eftir ferlum gæðakerfisins.
Gæðaráð, sem skipað er fulltrúum stjórnenda, starfsmanna, kennara og nemenda, fundar reglulega um gæðakerfi skólans, stöðu þess, þörf fyrir og framgang forvarna- og útbótaverkefna.
Um gæðamál og sjálfsmat
Heilsueflandi skóli
Tækniskólinn er stoltur þátttakandi í samvinnuverkefni Landlæknis – “Heilsueflandi framhaldsskóli” frá árinu 2011.
Markmið verkefnisins er að stuðla að vellíðan og auknum árangri nemenda og starfsfólks og hjálpar okkur að marka stefnu, skerpa á aðgerðaráætlunum og forvörnum og mynda þannig ramma um forvarnir og heilsueflingu.
Hlutverk
Hlutverk
Að stuðla að alhliða þroska nemenda, búa þá undir störf í atvinnulífinu og frekara nám í sérskólum og háskólum. Mennta fólk í handverks,- iðnaðar,- tækni-, og tölvugreinum til starfa í íslensku jafnt sem alþjóðlegu umhverfi.
Sérstaða
Sérstaða felst í nánum tengslum við atvinnulífið í gegnum eignarhaldsfélag skólans og fagráð.
Markmið
Að veita menntun sem er sniðin að þörfum nemenda og atvinnulífs. Stefna skólans er að vera í fararbroddi í þróun námsbrauta, kennsluhátta og notkun upplýsingatækni í kennslu.
Saga
Tækniskólinn var stofnaður árið 2008 þegar Iðnskólinn í Reykjavík og Fjöltækniskólinn sameinuðust.
Skólinn er stærsti framhaldskóli landsins og byggir á langri og merkri sögu sem tengist atvinnulífi landsins á marga vegu.
Hér á vefnum er rakin í stuttu máli saga skólanna sem eru grunnur Tækniskólans:
Upphaf vélstjóramenntunar; upphaf skipstjórnarmenntunar; Iðnskólinn í Reykjavík; Iðnskólinn í Hafnarfirði.
Stefnur
Tækniskólinn hefur mótað stefnur í málum er koma að rekstri og stjórnun hans.
Innan skólans starfa teymi starfsmanna sem setja stefnurnar og sjá um að þeim sé framfylgt.
Stefnur skólans eru:
- Alþjóðastefna – alþjóðlegt samstarf og samskipti
- Stefna gegn einelti, kynferðislegri áreitni, kynbundinni áreitni o.fl.
- Verklagsreglur við einelti, áreitni og ofbeldismálum.
- Gæðastefna
- Heilsustefna
- Jafnréttisstefna
- Starfsmannastefna
- Umhverfisstefna
- Vefstefna
Stjórn, skipurit
Skólinn er einkarekinn skóli, rekstrarfélag, með þjónustusamning við Mennta- og menningarmálaráðuneytið um rekstur framhaldsskóla . Í þjónustusamningnum eru ákvæði um að rekstrarfélag skólans geti ekki tekið arð úr rekstrinum og allur ábati skili sér í skólastarfið.
Markmið eigenda rekstrarfélagsins er að skólinn skili færum starfsmönnum út í atvinnulífið.
Rekstrarfélag Tækniskólans er í eigu eftirtalinna aðila:
Samtaka fyrirtækja í sjávarútvegi (SFS), Samtaka iðnaðarins (SI), Samorku, og Iðnaðarmannafélagsins í Reykjavík (IMFR).
Stjórn skólans er skipuð fulltrúum eigenda.
Um stjórn og skipurit