fbpx
en
Menu
en

Veikindi og forföll

Hér finnið þið upplýsingar um veikindaskráningu.

Athugið að ekki þarf að hringja í skólann ef nem­andi kemst ekki í kennslu­stund og/eða námsmat vegna veik­inda.

Áríðandi er að nem­andi eða ​aðstand­andi upp­lýsi skólann um for­föll vegna COVID-19 í tölvupósti á net­fangið [email protected]. Þetta á við hvort sem um er að ræða sóttkví, staðfest smit eða fjar­veru vegna und­ir­liggj­andi sjúk­dóma. Sjá nánari upplýsingar vegna COVID-19 neðar á síðunni.

Ef nem­endur eru í sóttkví eða ein­angrun og þurfa að sýna skól­anum fram á vottorð má nálgast þau inn á heilsuvera.is en hér má sjá nánari leiðbeiningar um ferlið.

Skrá veikindi - vottorð

Nemandi yngri en 18 ára – Forráðamenn skrá veik­indi beint inn í Innu.

Læknisvottorð – Nemendur sem eru orðnir 18 ára þurfa að skila læknisvottorði á skrifstofu skólans innan viku frá þeim degi sem þeir koma aftur í skólann eftir veikindi. Nemendur yngri en 18 ára geta skilað skriflegu vottorði um veikindi frá forráðamanni. Forráðamenn/aðstandendur geta einnig skráð veikindi nemenda undir 18 ára beint inn í Innu. Skólinn staðfestir móttöku slíkra vottorða með tölvupósti til forráðamanns.

Ef nemendur yngri en 20 ára veita forráðamanni/aðstandanda aðgang að Innu getur hann tilkynnt veikindi í gegnum Innu.

Leiðbeiningar fyrir forráðamenn til að skrá veikindi

Vegna COVID-19

Hægt er að skrá forföll samdægurs og/eða einn dag fram í tímann.

Allir nemendur sem mæta ekki í skólann vegna Covid-19 veirunnar tilkynna forföll í Innu með sama hætti og þegar um „hefðbundin“ veikindi er að ræða ásamt athugasemd. Nemandi/aðstandandi skráir í athugasemd, sóttkví eða veirusmit, eftir því sem við á.

Áríðandi er að nemandi/aðstandandi upplýsi skólann um forföll vegna COVID-19, hvort sem um er að ræða sóttkví, staðfest smit, eða fjarveru vegna undirliggjandi sjúkdóma nemenda eða aðstandenda, með tölvupósti á netfangið [email protected]. Skólinn óskar  eftir þessum upplýsingum til að geta veitt nemendum sem besta þjónustu á meðan þeir eru fjarverandi. Gætt verður fyllsta trúnaðar og upplýsingarnar aðeins aðgengilegar þeim  sem starfs síns vegna innan skólans þurfa á þeim að halda.

Ef nem­endur eru í sóttkví eða ein­angrun og þurfa að sýna skól­anum fram á vottorð má nálgast þau inn á heilsuvera.is en hér má sjá nánari leiðbeiningar um ferlið.

Fara á Innu

Veikindi í námsmati/prófi

Ef nemandi er ófær vegna vottaðra veikinda að leysa lykilmatsþátt 1 þegar hann skal unninn þá skal boðið upp á annan námsmatstíma í samráði við kennara.

Langvinn veikindi - Íþróttir

Nemendum sem eiga við langvinna eða þráláta sjúkdóma að stríða eða verða fyrir áföllum sem hamla skólagöngu þeirra á önninni er bent á að ræða við nám- og starfsráðgjafa.

 

Íþróttir

Þeir nemendur sem ekki geta stundað íþróttir verða að skila vottorði innan viku frá afhendingu stundaskrár.

Var efnið á síðunni hjálplegt?
Frábært það eru góðar fréttir!