Hér finnið þið upplýsingar um veikindaskráningu.
Athugið að ekki þarf að hringja í skólann ef nemandi kemst ekki í kennslustund og/eða námsmat vegna veikinda.
Forföll eru tilkynnt til skólans samkvæmt neðangreindu
Nemandi yngri en 18 ára – Forráðamenn skrá veikindi beint inn í Innu.
Nemandi 18 ára og eldri getur veitt forráðamanni heimild til að sjá upplýsingar inni á Innu. Með því að setja „Já“ í stað „Nei“ í „Aðgangur“ í valmyndinni aðstandendur í Innu nemanda. Hafi nemandi opnað fyrir aðganginn þá geta forráðamenn áfram skráð veikindi í Innu.
Nemendur, 18 ára og eldri, geta nú tilkynnt „hefðbundin“ veikindi í Innu án þess að leggja fram læknisvottorð.
Ekki er tekið við vottorðum hluta úr degi. Fjarvistastig vegna veikinda eru felld niður upp að 93%.
Leiðbeiningar fyrir forráðamenn til að skrá veikindiEf nemandi er ófær vegna vottaðra veikinda að leysa lykilmatsþátt 1 þegar hann skal unninn þá skal boðið upp á annan námsmatstíma í samráði við kennara.
Nemendum sem eiga við langvinna eða þráláta sjúkdóma að stríða eða verða fyrir áföllum sem hamla skólagöngu þeirra á önninni er bent á að ræða við nám- og starfsráðgjafa.
Þeir nemendur sem ekki geta stundað íþróttir verða að skila vottorði innan viku frá afhendingu stundaskrár.