Senn líður að annarlokum vorið 2026 og mikilvægt fyrir nemendur að kynna sér helstu dagsetningar og upplýsingar sem tengjast annarlokum, námsmati og þjónustu skólans á lokasprettinum.

Annarlok og námsmatsdagar

Síðasti starfsdagur samkvæmt námsáætlun og stundaskrám er birtur í skóladagatali skólans, þó kennslulok geta verið mismunandi eftir áföngum. Nánari upplýsingar um skipulag hvers áfanga má finna á Innu og nemendur eru hvattir til að fylgjast vel með upplýsingum frá kennurum sínum.

Námsmatsdagar verða 19. og 20. maí. Fyrirkomulagið er breytilegt eftir áföngum, en í sumum tilfellum þurfa nemendur að mæta í próf, vinna verkefni eða skila lokaverkefnum. Nemendur fá upplýsingar hjá kennurum um framkvæmd námsmats í hverjum áfanga.

Lokaeinkunnir og viðtalstímar

Lokaeinkunnir verða birtar í Innu föstudaginn 22. maí. Sama dag verða kennarar til viðtals í sínum deildum frá kl. 10:00-12:00. Nemendur eru hvattir til að skoða námsmat og fara yfir einkunnir.

Upptökupróf fyrir útskriftarefni er þann 26. maí kl. 10.

Vinnustaðanám

Nemendur sem gera ráð fyrir að vera eingöngu í vinnustaðanámi á haustönn ættu ekki að hafa val á haustönn ef þeir eru búnir að vera í samskiptum við skólastjóra. Þeir nem­endur eru jafn­framt beðnir um að athuga hvort ekki hafi verið gengið frá náms­samn­ingi og fer­ilbók.

Hér er hægt að ganga frá umsókn um samning og ferilbók.

Aðstoð í námi

Áhersla er lögð á að veita nemendum góða aðstoð í námi og viljum við benda ykkur á þá þjónustu sem skólinn býður upp á:

Námsver  – Aðstoð við próftöku, verkefnavinnu og ritgerðarsmíð.
Bókasafn – Aðgangur að upplýsingum, heimildum og námsaðstöðu.
Ritver – Aðstoð við ritgerðarskrif, heimildaleit og heimildaskráningu.
Aukatímar – Fjölbreyttir aukatímar í boði fyrir nemendur.
Náms- og starfsráðgjafar – Ráðgjöf um nám, námsframvindu og framtíðaráætlanir.

Útskrift Tækniskólans

Útskrift Tækniskólans verður haldin hátíðleg í Hörpu laugardaginn 30. maí.

Tækniskólinn óskar öllum nemendum góðs gengis á lokasprettinum!