Í náminu lærir þú um grafíska hönnun og framsetningu efnis fyrir prent-, ljósvaka-, net- og skjámiðla. Áhersla er m.a. á prentsmíð, týpógrafíu og grafíska hönnun, umbrot, margmiðlun og textameðferð, stafræna uppbyggingu mynda og litstýringu.
Brautin tekur mið af nýjum tímum og nýrri tækni við framsetningu upplýsinga og miðlun þeirra.
Að grunnnámi loknu, sem er þrjár annir, getur þú valið á milli fjögurra sérsviða, þau eru: grafísk miðlun, bókband, prentun og ljósmyndun, allt löggiltar iðngreinar.
Grunnbraut í upplýsinga- og fjölmiðlagreinum (GUF20) er fjölbreytt og starfssviðið margþætt. Sameiginlegt grunnnám á að veita öllum nemendum almenna þekkingu og innsýn í grundvallaratriði sérsviðanna fjögurra, bókbands, grafískrar miðlunar, ljósmyndunar og prentunar. Sérnámið leiðir til sérhæfingar í hverri grein. Skipulag grunnbrautar er ætlað til að auka fjölhæfni nemenda þegar út í atvinnulífið er komið og auðvelda þeim að aðlagast breytingum á vinnumarkaði jafnframt því að efla samvinnu milli ólíkra faghópa og starfsstétta.
Til að hefja nám á upplýsinga- og fjölmiðlabraut þarf að hafa lokið grunnskóla með lágmarkseinkunn C í íslensku, ensku og stærðfræði.
Að grunnnámi loknu er hægt að velja milli fjögurra sérsviða, sem allt eru löggiltar iðngreinar:
Að námi loknu í þessum sérgreinum getur þú tekið sveinspróf.
María lærði ljósmyndun að loknu grunnnámi og er mjög ánægð með grunnnám upplýsinga- og fjölmiðagreina. „Það er góður grunnur fyrir allt nám og þá sérstaklega ljósmyndun þar sem ég er að fá sérhæfingu á mínu áhugasviði.“
Sjá upplýsingar um skólagjöld í gjaldskrá Tækniskólans.
Menntasjóður námsmanna veitir allar upplýsingar um lánshæfi náms á menntasjodur.is
Nei, efnisgjöld eru innifalin í skólagjöldum.
Sjá upplýsingar í viðburðum og skóladagatali hér á vefnum.
Kennslan fer fram í Sjómannaskólahúsinu á Háteigsvegi.
Já, nánari reglur um skólasókn er að finna hér á vefnum.
Notifications