Í náminu í er kenndur lokafrágangur á prentuðu efni bæði með tölvustýrðum bókbandsvélum og í handbókbandi. Sem og viðgerðir á bókum og útskurð á ýmiskonar efni t.d. nafnspjöld, bæklinga, blokkir, umbúðir, dagatöl og fleira. Bókbindari veitir faglega ráðgjöf um frágang pentgripa og efnisval vegna bókbands. Hann velur pappírstegundir sem henta í viðkomandi verk og sér um lokafrágang á öllu prentuðu efni.
Í náminu er unnið að raunverulegum úrlausnarefnum og þú hefur því góða þjálfun, kunnáttu og leikni í faginu þegar út á vinnumarkaðinn er komið.
Meginmarkmið námsins er að nemendur öðlist þá þekkingu og færni sem bókbindari er nauðsynlegt í störfum sínum, m.a. vinnu við vandað handverk sem, störf við stjórn og stillingar bókbandsvéla, lokafrágang á öllu prentuðu efni, brot í tölvustýrðum brotvélum, vinnu við skurðarhnífa og síðan við handbókband. Hann á að geta veitt faglega ráðgjöf um hvernig best og hagkvæmast er að vinna og ganga frá prentgripum, um efnisval og aðra þætti er lúta að bókbandi. Eftirspurn er eftir fagfólki með víðtæka þekkingu á öllum sviðum fagsins jafnt í stórum sem litlum fyrirtækjum á sviði prentiðnaðar. Nemendur í bókbandi þurfa að hafa töluverða innsýn í ýmis tækniatriði sem varða uppsetningu og vinnslu prentgripa því þróun á þessum sviðum er hröð. Náminu lýkur með sveinsprófi er veitir rétt til starfa í iðninni og til inngöngu í nám til iðnmeistaraprófs. Bókband er löggilt iðngrein.
Fyrst þarf að klára grunnnám upplýsinga- og fjölmiðlagreina. Þegar því námi er lokið þá geta nemendur sótt um nám í bókbandi, sem er sérsvið.
Námið er samtals tvö ár eða fjórar annir í skóla með grunnnáminu og vinnustaðanám samkvæmt hæfnikröfum ferilbókar að hámarki 48 vikur. Almennt er miðað við að nemendur hafi lokið starfsþjálfun í síðasta lagi áður en nám hefst í lokaáföngum fagbrautar eða samhliða.
Námsframvinda vinnustaðarnáms miðast við að nemandinn sé búinn að uppfylla að lágmarki 80% af hæfniviðmiðum í ferilbók faggreinar til að innritast í lokaáfanga brautar
Bókband er löggilt iðngrein.
Prófskírteini af fagbraut ásamt því að starfsþjálfun sé lokið, veitir rétt til að sækja um sveinspróf í viðkomandi grein. Sveinspróf veitir rétt til að hefja nám í Meistaraskóla.
Einnig er hægt að ljúka viðbótarnámi til undirbúnings námi á háskólastigi en slíku námi lýkur með stúdentsprófi.
Það er erfitt að fullyrða um að nemendur komist í starfsþjálfun eftir að námi í skólanum lýkur. Það fer allt eftir eftirspurn hverju sinni.
Sjá upplýsingar um skólagjöld í gjaldskrá Tækniskólans.
Menntasjóður námsmanna veitir allar upplýsingar um lánshæfi náms á menntasjodur.is
Nei, efnisgjöld eru innifalin í skólagjöldum.
Sjá upplýsingar í viðburða- og skóladagatali hér á vefsíðu Tækniskólans.
Kennsla í prentun fer fram Sjómannaskólahúsinu á Háteigsvegi. En einnig fara nemendur á sérsviðinu út í fyrirtæki.
Já, nánari reglur um skólasókn er að finna hér á vefsíðu Tækniskólans.
Upplýsingar um félagslíf og nemendafélag.
Notifications